NARESH - 03/04/1951

To, Hemendrakumar C. Shah Parekh. 31, Patel Building, New Power House, RAJKOT (Saurastra)

 

મહેતા હાઉસ, ટાવર રોડ, સુરેન્દ્રનગર ૩-૪-'૫૧

 

પ્રિય હેમેન્દ્ર,

હમણાં જ તારો Proposal વાળો કાગળ મળ્યો છે વાંચી આનંદ થયો.

તારી Proposal આમ તો સારી છે અને મને માન્ય છે પરંતુ જગદીશકાકા એકલા આબુ તરફ જવાના નથી તેઓ સાથે તો બનતા સુધી ચાર પાંચ બીજા મિત્રો પણ હશે એટલે કદાચ તેઓ એક બે દિવસ માટે આ બાજુ નહિ આવે એમ મને તો લાગે છે.

બે દિવસ પહેલા મારા પૂજ્ય પિતાશ્રીનો પત્ર હતો કે તારા બધા મિત્રો તારા આવવાની ઈચ્છા જોઈ રહ્યા છે બહાર ફરવા જવાના છે. પરંતુ હજી કોઈ પણ મિત્રનો કે કાકાનો તે બાબતનો પત્ર નથી. મેં તો તારા પત્રથી જ જાણ્યું કે તેઓ આબુ તરફ જવાના છે.

હું હવે મારા પૂજ્ય પિતાશ્રીના કે જગદીશ કાકાના પત્રની રાહ જોઈને બેઠો છું તેઓનો

 

જે પ્રમાણે પત્ર આવશે તે પ્રમાણે હું કરીશ અને તને જણાવીશ. અત્યારે હું ~~પણ જગદીશકાકાને પત્ર લખીશ.~~

જગદીશકાકા અને બીજા મિત્રો ત્યાંથી ૧૨મીએ નીકળવાના છે તો તેઓ અમદાવાદ થઈને જશે તો આપણે અહીંથી ૧૨મીએ નીકળીએ અને ૧૩મીએ સવારે બધાને અમદાવાદ સ્ટેશને મળીએ તો તું અહીં ૧૦ કે ૧૧ તારીખે અહીં આવી જજે બે દિવસ અહીં રહેશું અને પછી સાથે જ જતા રહેશું. વિરેન્દ્રને પણ સાથે જરૂર લાવજે.

બીજું તે લખ્યું કે હું હોસ્ટેલમાં એડમીશન મળશે તો મુંબઈ આવીશ નહી તો નહી આવું. તો મારો તને આગ્રહ છે કે તું દાદર મારે ઘરે રહેજે અને ત્યાંજ અભ્યાસ કરજે મને પણ ઠીક રહેશે. વધુવાત હવે આઠ દિવસ પછી મળશું ત્યારે હાલ એજ

લી: નરેશ.

તા.ક. હું જગદીશને પત્ર નથી લખવાનો તો હવે તને જે કાંઈ પત્ર આપે તે મને જણાવજે

 

તો હું પણ તે પ્રમાણે કરીશ. પત્રનો જવાબ મારા જેમ તુરત લખજો.

નરેશ